An Stiúideo

Tá an stiúideo suite i seanghorlann bradán, san aon áitreabh le hIontaobhas Ghleann Eidhneach a chuireann tionscadail nuálaíochta maidir le taighde eolaíochta chun cinn sa Gleann Eidhneach.

Bíonn an stiúideo ar fáil ag ealaíontóirí cónaithe agus ag comhaltaí Interface chomh maith lena bheith ar fáil ar cíos ag ealaíontóirí nó eagraíochtaí eile a dteastaíonn spás maith fairsing oibre uathu. Tá stiúideonna aonair 15 m2 ar fáil, stiúideo comharoibre 90 m2, agus an seomra uibhe 194m2. Tá preas breá priontála againn chomh maith atá ar fáil le húsáid. Tá spás faoi leith amuigh faoin aer againn freisin agus roghanna iontacha ag baint leis maidir le saothar a bhaineann leis an láthair go sonrach. Is féidir tuilleadh eolais a fháil faoi na rátaí cíosa maidir le spás agus trealamh anseo.

Tugann an clár cónaitheachta deis d’ealaíontóirí dul i ngleic le timpeallacht ar leith agus spreagadh a fháil ón taighde spéisiúil atá ar siúl sa taobh tíre sceirdiúil seo. Trí chlár comhaltachta, tá comhar ealaíontóirí á chruthú againn a fhéadann saothrú a gcuid oibre nó forbairt a gcuid taispeántas a thabhairt i gcrích i spásanna dár gcuid agus misneach a thabhairt dá chéile le cúnamh ar chomhchéim. Nuair is fearr a fheidhmíonn cúrsaí, tarlaíonn trasnaíl idir an dá chlár ionas go gcruthaítear meitheal bríomhar idirnáisiúnta a bhfuil bonn tréan daingean faoi go háitiúil i gConamara.

Shared Space
Office

Share: