Cuirtear lóistín ar fáil do na healaíontóirí cónaithe chomh maith le spás stiúideo. Tá de rún againn áras lóistín a thógáil ar an láthair féin san am atá romhainn ach bítear ag brath go dtí sin ar roghanna éagsúla maidir le háit ar cíos i measc an phobail, ar an gClochán, i Leitir Fraic nó i Maigh Ard. Dhá chiliméadar is fiche ó bhaile atá ceann de na roghanna lóistín Connemara Getaway, árasán neamhspleách i Maigh Ard. Tá sorn breosla sholadaigh sa seomra suite/cistin chomh maith le cuntar atá feistithe go maith le mionfhearas cistine. Tá leaba do bheirt sa seomra codlata agus is féidir leaba thoilg a tharraingt amach sa seomra suite. Tá cithfholcadán, leithreas, meaisín níocháin agus wifi san árasán freisin.  Cuirtear lóistín ar fáil freisin do ghrúpaí ealaíontóirí ag Heatherhill i Leitir Fraic nó in árasán ag Óstán Theach an Stáisiúin ar an gClochán.  Is oth linn gur amhlaidh an cás ach ní bhíonn iompar poiblí ar fáil go minic i gConamara agus tá na bóithre an-chontúirteach. Beidh gá agat le carr ag taisteal idir aon cheann de na hionaid lóistín agus an stiúideo.